Božićna misa je uz prisustvo vjernika održana uz pridržavanje propisanih zdravstvenih mjera.

Svetoj misi ponoćki koju je sinoć u barskoj konkatedrali Svetog Petra Apostola služio Nadbiskup barski monsinjor Rok Đonlešaj uz brojne vjernike  prisustvovao je i premijer Vlade CG dr Zdravko Krivokapić , ministar pravde i ljudskih i manjinskih prava u Vladi Crne Gore dr Vladimir Leposavić, predsjednik i potpredsjednik Opštine Bar Dušan Raičević i Radomir Novaković Cakan, predsjednica SO Bar mr Milena Božović, te predsjednik Opštine Tuzi Nik Đeljošaj.

Mons. Đonlešaj sinoć je posebno pozdravio barskog arhijejerejskog namjesnika, protojereja stavrofora Slobodana Zekovića koji je i ove godine bio na misi ponoćki.

Nakon mise ponoćke, kojom su rimokatolički vjernici u Baru tradicionalno počeli praznovanje Božića po gregorijanskom kalendaru, premijer Krivokapić i politički lideri su lično čestitali Božić Nadbiskupu barskom.

“Posebno vam stavljam u srce da se molitveno sjetite tolikih ljudi koji su ove godine izgubili životne bitke i njihovih obitelji, kao i svih onih koji su i sada odvojeni od svojih najdražih,da se sjetite nesebične žrtve medicinskih djelatnika koji su mjesecima odvojeni od svojih obitelji ulagali nadljudske napore za spašavanje života”-kazao je Nadbiskup barski.

Nadbiskup je poželio svim vjernicima srećan i blagosloven Božić.

Foto:Sergej Zabijako