Humanost se pokazuje bez “ilje”...

Jutros sam naišla na ježića koji po putu  tumara u krug , dezorjentisan. 
Vjerovatno ga je probudilo iz sna nevrijeme a zimska mu jazbinica nastradala.
Nigdje okolo nije bilo mjesta da se skloni i bezbjedno prezimi.A nije ni mogao u takvom stanju.
Započela sam akciju spasavanja.
Uzela sam ga, smjestila u manju kartonsku kutiju i krenula na posao. Unela ga u kancelariju, a tamo su se svi obradovali. Krenula je akcija pravljenja zimskog doma za zbunjenog ježića koji je spontano dobio ime Živko .
Nabavljena je odgovarajuća tvrdja kartonska kutija, suva piljevina, i Živko se udobno tu smjestio nakon što je izbacio višak piljevine. Stavljene su mu granule i kupus, kada se odmori i živne da prezalogaji, ako odmah ne padne u svoj zimski san.
Prezimiće u toj kutiji  u sigurnosti našeg objekta, a onda će biti pušten u svoje prirodno okruženje,  kaže nam  sugradjanka.

Da podsjetimo,
Ježevi su vrlo drage i korisne životinje. Imate li ih kao redovite posjetioce u vrtu, oslobodit će vas puževa, zmijskih jajašaca, ličinki raznih insekata i raznih drugih napasnika koji mogu štetiti vašem vrtu. Kad u dvorištu imate ježa, ne morate koristiti toliko pesticida i insekticida.
Ježevi spadaju u porodicu sisavaca i ima ih 25 različitih vrsta.