Izgradnjom dobija se trajno rješenje za izazov sa napuštenim životinjama

Predsjednik Opštine Bar Dušan Raičević potpisao je danas Ugovor o izgradnji azila za napuštene životinje sa pratećom infrastrukturom.

Ugovorena vrijednost ove investicije iznosi preko 540.000 eura. Izgradnjom azila Opština Bar će dobiti jedinstven i najsavremeniji centar ove vrste u državi i trajno riješiti veliki izazov sa napuštenim životinjama, naročito psima lutalicama u Baru.

Izvođač radova izabran na javnom tenderu je firma “Kalamper” DOO iz Bara, a rok za izvođenje radova je 150 dana od dana uvođenja izvođača u posao.

Azil će se nalaziti na lokaciji Kufin na prostoru od oko 6000m2 od čega je iskorišteno 2500m2, dok će na preostalom prostoru ostati netaknuta priroda i dodatno se ozeleniti okolina samog azila novim sadnicama. Azil će posjedovati od 75 do 100 mjesta, grupni i izolovani smještaj za životinje, ambulantu, kuhinju, grobnu jamu kao i otvoreni atrijum u centru koji će služiti za prijem i za druženje sa životinjama te edukaciju posjetilaca koji mogu i udomiti životinje