Barska policija uhapsila je rano jutros dvojicu mladića koje tereti da su oko četiri sata opljačkali benzisku pumpu u naselju Ilino.

Dva mladića, od kojih jedan bio maskiran i sa pištoljem, upali su u pumpu oko četiri sata, i od dežurnih radnika oteli 480 eura.

Kako „Vijesti“ saznaju, policija je tri sata kasnije uhapsila Nikolu Vukobratovića (21) iz Beograda i Dušana Vukčevića (21) iz Bara. U stanu kojem su pronađeni, policija je našla i pištolj i oteti novac.

Dežurni tužilac Nusreta Arapović odredila je mladićima zadržavanje u policiji.

Protiv mladića je podnijeta krivična prijava za razbojništo, a protiv Vukobratovića, koji ima debeo dosije u beogradskoj policiji, podnijeta je i krivična prijava za tešku krađu. On se tereti da je prije dva mjeseca upao u radnju sportske opreme „Cakan“ i ukrao sportsku opremu u vrijednosti od 6.000 eura.

Za ovu krađe protiv Vukčevića je podnijeta krivična prijava za saučesništvo.

Vukobratović je u bjekstvu bio tri mjeseca, i krio se u Crnoj Gori.

(Izvor: VIJESTI)